Төрага баш болгон депутаттар Баткен облусун кыдырууда
Төрага Асылбек Жээнбеков баштаган Жогорку Кеңештин депутаттары 25-26-февралда Баткен облусунда жумушчу сапары менен болот.
Делегация курамында депутаттар Курмантай Абдиев ("Ата-Журт"), Назарали Арипов ("Республика"), Ташполот Балтабаев ("Ата-Мекен"), Жусупали Исаев (КСДП), Динара Исаева ("Ата-Журт"), Ирина Карамушкина (КСДП), Улукбек Кочкоров ("Ата-Журт"), Мурадил Мадеминов (КСДП), Чолпон Султанбекова ("Республика") бар. Бул тууралуу Жогорку Кеңештин басмасөз кызматы билдирди.
Депутаттар 25-февраль күнү Лейлек районунда болуп, социалдык объектилер жана жол курулуштарынын абалы менен жеринен таанышты.
Парламентарийлер 26-февраль күнү Баткен районундагы социалдык объектилеринде болуп, Баткен шаарынын, Баткен жана Кадамжай райондорунун шайлоочулары менен жолугушат.
Жумушчу сапарынын алкагында депутаттар Баткенде Жогорку Кеңештин тармактык комитеттеринин биргелешкен жыйынын өткөрмөкчү.
