Оппозициялык депутат банк ячейкаларын тоногондорду жоопко тартуусун талап кылды
Бүгүн, 28-февралда, парламенттик жыйында аздык парламент коалициясынын лидери Мыктыбек Абдылдаев Генпрокуратурадан 2010-жылдагы апрель окуялары учурунда банктык ячейкаларды талап-тоноо фактылары боюнча чара көрүүнү талап кылды.
Анын айтымында, депутаттар "мыйзамды жана президенттин буйругун аткарууга" жоопкерчиликтүү мамиле кылыш керек. "2012-жылдын 1-февралында коомчулуктагы тартип жана Генпрокуратура банктын ячейкаларынан акча алынгандыгы тууралуу чара көрүлсүн деп буйрук чыгарган. Бирок андан бери бир жылдан ашык убакыт өттү. Эч кандай кыймыл болгон жок. Каржы министри менен кошо эч ким жоопкерчиликке тартылган жок. Генпрокуратура бир нерсе кылуусу керек", - деди Абдылдаев.
Ошондой эле ал анын "Ата-Мекен" фракциясынан коллегасы Туратбек Мадылбеков апрель окуялары учурунда президентин буйругу менен Бишкек шаарынын коменданты болуп дайындалгандыгы тууралуу документерди көрсөтүүнү талап кылды. Эске салсак, депутаттардын мародерлукка тиешеси тууралуу депутаттык комиссиянын жыйынтыгы каралып жаткан учурда, комендант буйрук менен дайындалат, себеби ага чукул кырдаалдар учурунда чектөөсүз ыйгарым укук берилет. "Мага ал указды эч ким көрсөткөн эмес. Эгер ал буйрук бар болсо, анда маселе башка. А эгер документ жок болсо, анда негизги көзөмөл салуучу орган кылмыш ишин козгошу керек. Генерал Артур Медетбеков чоң интервью берген. Аны окугандан кийин 2010-жылдагы апрель жана июнь окуяларынан кийин 1 млн доллар кайда деген суроо туулат. Анын айтымында бул сумма жокко чыгарылган. Эгер убактылуу өкмөт ал каржатты башка максатка жумшаса, анда УӨ жоопко тартылышы керек", - деди Ата-Журттун депутаты.
