Чет элдик донорлор кыргыз тоолорун жашылдандырат

Дүйнөлүк азык-түлүк программасы жана глобалдык экология фонду Кыргызстандагы "Тоо токойлорун жана жер ресурстарын туруктуу башкаруу" долбоорунун алкагында иш алып бара башташты. Белгиленген максаттарга жетүү үчүн жергиликтүү жашоочулар жана өлкөнүн тиешелүү кызматтары да тартылат.

Долбоор беш жыл ичинде ишке ашырылат. Бул убакыт аралыгында бир нечен миң тоо аймактарын жашылдандыруу жана өз мезгилинде талкаланган токой массивдерин калыптандыруу пландашууда. Бул иш чарага тоо боорунда жашаган жергиликтүү тургундарды да кызыктырып, аларды тоо жана токой мөмө-жемиштерин иштеп чыгып аны кайрадан сатуу амалын үйрөтүшмөкчү.

Ишке киргизилип жаткан долбоордун негизги максаты – бул жаратылышты сактоо жана өндүрүш менен алектенүү.