Ысык-Көл облустук сотунун судьялык корпусу жаңыланды. Алардын үчөө аялдар
Ысык-Көл облустук сотунун судьялык корпусу жаңыланды. Анда конкурстук тандоодон облсуддун иштеп жаткан 3 судьясы өттү, бул облустук соттун штат боюнча судьяларынын (12) 25%ын түзөт.
Мурда сот тутумунуда иштебеген алтоону кошкондо, жаңы 7 судья келди. 10 судьянын үчөө же 30%ы аялдар.
Кыргыз Республикасынын Судьяларды тандоо боюнча кеңеши Кыргыз Республикасынын президентине 2013-жылдын 11-мартында Ысык-Көл облустук сотунун судьялык кызматына дайындоо үчүн 12 талапкер боюнча сунуштарды киргизген.
Колдо болгон материалдарды изилдөөнүн негизинде жана алардын ар бири менен аңгемелешүүнүн жыйынтыктарын эске алып, мамлекет башчысы сунуш кылынган 2 талапкер боюнча материалдарды судьяларды тандоо боюнча кеңешине кайтарып берди жана 10 талапкер боюнча бул кеңештин сунуштарына макул болду.
Конкурстук тандоонун жыйынтыктарын эске алуу менен Кыргыз Республикасынын президенти 4 жарлыкка кол койду.
Биринчи жарлык конкурс менен тандалып алынган 10 талапкер Конституцияга ылайык 2013-жылдын 20-мартынан баштап биринчи жолу 5 жылдык мөөнөткө жергиликтүү соттордун судьялыгына дайындалышты:
- Акматов Таалайбек Калыбекович;
- Алиева Гүлкайыр Сакешовна;
- Асаналиев Жолдош Асанакунович;
- Асанбаев Болот Султанович;
- Досмамбетов Азизбек Анарбекович;
- Жаныбеков Медер Жаныбекович;
- Молдакунов Айбек Карыбекович;
- Рыскулова Аида Бекеновна;
- Шамбетова Мира Узбековна;
- Шерипов Улан Турганбаевич.
Экичи жарлык менен жергиликтүү соттун дайындалган 10 судьясы 2013-жылдын 20-мартынан баштап Ысык-Көл облустук сотуна судьянын ыйгарым укуктарын жүргүзүү үчүн жиберилди:
- Акматов Таалайбек Калыбекович;
- Алиева Гүлкайыр Сакешовна;
- Асаналиев Жолдош Асанакунович;
- Асанбаев Болот Султанович;
- Досмамбетов Азизбек Анарбекович;
- Жаныбеков Медер Жаныбекович;
- Молдакунов Айбек Карыбекович;
- Рыскулова Аида Бекеновна;
- Шамбетова Мира Узбековна;
- Шерипов Улан Турганбаевич.
Үчүнчү жарлык менен Ысык-Көл облустук сотунун иштеп жаткан төмөнкү судьялары толук курамында (9 судья) кызматынан бошотулду:
- Абакиров Каныбек Шонкоевич;
- Абдыкадыров Акылбек Токтосунович;
- Акназаров Мирлан Тагаевич;
- Асанбаев Болот Султанович;
- Арабаев Манасбек Матаевич;
- Сакеев Дамир Ушурбекович;
- Рыскулова Аида Бекеновна;
- Шамбетова Мира Узбековна;
- Эркебаев Адилет Маматеминович.
Төртүнчү жарлык менен судьялык кызматка дайындалган жана Ысык-Көл облустук сотуна судьянын ыйгарым укуктарын жүргүзүү үчүн жиберилген Алиева Гүлкайыр Сакешовна 2013-жылдын 20-мартынан баштап Кыргыз Республикасынын жергиликтүү сотунун судьясынын кызматынан жана Ысык-Көл облусунун Ак-Суу райондук сотунун судьясынын ыйгарым укуктарын жүргүзүүдөн мөөнөтүнөн мурда бошотулду.
Жарлыктар кол коюлган күндөн тартып күчүнө кирет.
