Бишкектин чет жакасындагы айылдарда таза суу жетишпей калууда
Жай мезгили али баштала элек, ал эми Таш-Дөбө (Воронцовка) айылында иче турган суу жок. Иче турган суу болушу үчүн, сугат суусу талап кылынат. Бизге сугат суусу Ала-Арча кичине дарыясы аркылуу келет. Чоң айыл үчүн кичине арыктын суусу жетишсиз болууда, анткени, дүйшөмбүдөн баштап жума күнүнө чейин талаа тилкелери сугарылат. Эки күндүн ичинде огороддорго суу жетпегендиктен, жергиликтүү тургундар суу түтүктөрдүн суусун сугат үчүн колдоно башташат. Айыл өкмөтүнүн башчысы алмашканы менен эч бир өзгөрүү байкалбайт. Огород сугаргандар менен жер иштеткендерге бөлүп берүү үчүн сугат суусунун көлөмүн көбөйтүү зарыл. Жаан-чачын токтогондон бери бизде суу жок калды. Мындан тышкары күчтүү насостору бар жеке мончолор дагы сууну көп колдонуп жатышат.
Элдик жаңылыкты Адилет жазып жиберген
